Føroyingar raskir at velja

Føroyingar eru teir ídnastu veljararnir í norðurlondum.

Tað vísir eitt yvirlit í norðurlendsku árbókini, sum samanber valluttøkuna í norðurlondum á tjóðartingsvalum.

Tølini vísa, at føroyingar og danir eru teir ídnastu veljararnir. Á seinasta løgtingsvali vóru útvið 90 prosent á vali í Føroyum, og tað sama var talið fyri fólkatingsval í Danmark.

Í Finnlandi og Álandi eru teir minst ágrýtnu veljararnir. Har var valluttøkan umleið 67 prosent á seinasta vali, stendur í norðurlendsku hagtalsárbókini.