Føroyska makrelkvotan 133.000 tons næsta ár

Føroyska makrelkvotan verður 132.814 tons næsta ár, sum eru okkurt um 24.000 tons minni enn í ár. 

Føroyar, ES og Noreg gjørdu seinnapartin semju um heildarkvotuna av mekreli í 2015.

Heildarkvotan er ein millión og 54.000 tons. Heildarkvotan er innan fyri karmin, sum ICES metir vera burðardyggan. 

Londini eru samd um at hittast í Føroyum tíðliga komandi ár, har farið verður undir samráðingar um eina umsitingarætlan fyri makrel fyri næstu árini. 

Til hesar samráðingar verða Grønland, Ísland og Russland boðin við.

Føroyar taka nú við formansskapinum viðvíkjandi samráðingunum millum strandarlondini um makrel.