Svøríki: Fíggjarlógaruppskotið er fallið

Svenski ríkisdagurin hevur felt fíggjarlógaruppskotið hjá stjórnini. 153 atkvøddu fyri og 182 ímóti.

Sosialdemokratiska minnilutastjórnin hjá Stefan Løfven, forsætisráðharra, hevur bert sitið í 62 samdøgur. Hvat Løfven ætlar sær at gera, verður væntandi greitt hvørja løtu, tí klokkan 15.30 hava sosialdemokratarnir boðað til tíðindafund í Stokkhólmi. 

Hóast tað var greitt frammanundan, at fíggjarlógaruppskotið fór at falla, avgjørdi forsætisráðharrin, at ríkisdagurin skuldi sleppa at atkvøða um tað. 

Eygleiðarar siga, at politiska kreppan í Svøríki í løtuni er søgulig. 

Sí SVT her