Mánadagin fellur dómur í grannskoðaramálinum

<p>Dómur fellur mánadagin í sonevnda grannskoðaramálinum.&nbsp;Rættarfundir hava verið í Føroya Rætti síðan mánadagin, og síðsti rættarfundur er í dag í sonevnda grannskoðaramálinum.</p>

<p>Tríggir av grannskoðarunum, sum mistu løggildingina, hava stevnt løgmanni, við kravi um, at avgerðin hjá honum at taka løggildingina aftur, verður ógildað.</p>

<p>Kaj Leo Holm Johannesen, løgmaður, staðfesti tann 21. februar í 2012 avgerðina hjá Skráseting Føroya um at taka aftur løggildingina hjá níggju granskoðarunum í grannskoðaramálinum.</p>

<p><strong>SÍ EISINI <a href="http://kvf.fo/netvarp/uv/2012/02/23/misngdur-vi-niurstuna-hj-lgmanni-gra...øgdur við niðurstøðuna hjá løgmanni í grannskoðaramálinum</a></strong></p>

<p>Orsøkin var, at grannskoðararnir ikki høvdu kravdu próvtøkuna fyri at fáa løggilding. Grannskoðararnir hava tó fingið trý ár til at klára kravdu royndina. Grannskoðararnir gjørdu í februar í 2012 av at leggja málið fyri rættin, so málið hevur verið ávegis í trý ár.</p>

<p>Av fyrstan tíð var ætlanin at fara beinleiðis í landsrættin við málinum, tí málið er serligt, og tí kann tað enda í hægstarætti. Men tað vildi Løgmansskrivstovan ikki ganga við til, málið skal fyrst fyri í Føroya rætti.</p>