Neistin er í steypafinaluni

Neistin stríddi seg í kvøld til ein 28-28 javnleik í Vestmanna.

Eina løtu sá út sum, at VÍF skuldi fara til hálvleik við einari tryggari leiðslu.

VÍF var á odda 11-7, men tað eydnaðist Neistanum at koma upp á javnt, 14-14, áðrenn farið var til hálvleik.

Hetta var serliga takkað verið nógvu málunum frá Milicia Rankovic og stórspæli frá Fríðu Petersen í Neistamálinum.

Tað kundi tað sama verið VÍF, sum kom í finaluna, men marginalarnir vóru við Neistanum.

Seinni hálvleikur endaði við somu støðu, og tí fer Neistin víðari. Tær vunnu fyrra dystin 28-27.

VÍF - Neistin 28-28 (14-14)

VÍF toppskjúttar: Liljan Djurhuus, 9. Tóra Seloy, 5. Daniella Joensen, 5.

Neistin toppskjúttar: Milicia Rankovic,12. Bára Hansen, 7.