- Tíðindi, mentan og ítróttur
Spyr um svimjing undir føroyskum flaggi
Hvat hevur landsstýrismaðurin gjørt fyri at føroysk ítróttarfólk kunnu luttaka í altjóða kappingum undir føroyskum flaggi?
Tað vil Gunvør Balle, tingkvinna fyri Tjóðveldi, hava at vita frá Bjørn Kalsø, landsstýrismanni í mentamálum.
Gunvør Balle spyr, nú tað er komið fram, at føroyskir svimjarar ikki kunnu taka lut undir føroyskum flaggi í altjóða kapping í Baku í summar, tí Føroyar ikki hava sjálvstøðgan limaskap í Altjóða Olympisku nevndini, IOC.
Gunvør Balle spyr eisini, um landsstýrismaðurin ætlar sær at tryggja føroyska luttøku í summar undir IOC flaggi?
Og um landsstýrismaðurin ætlar at stuðla Ítróttarsambandi Føroya og Svimjisambandi Føroya fíggjarliga ella á annan hátt fyri at fáa staðfest støðu føroyinga í altjóða kappingum, og undir hvørjum flaggi kappast skal.
Bjørn Kalsø hevur tíggju yrkadagar at svara skrivliga fyrispurninginum frá Gunvør Balle.