Fullur sjómaður skeyt neyðrakettir

Um átta tíðina í gjárkvøldið sóust fleiri neyðrakettir í Havn. 

Talan var tó hvørki um óhapp ella vanlukku. 

Løgreglan kannaði málið, og tað vísti seg, at neyðrakettirnar stavaðu frá russiska trolaranum North Ocean, sum liggur við bryggju í Havn. 

Tað var ein fullur sjómaður á trolaranum, sum hevði latið rakettirnar av. 

Løgreglan ger ikki meira og hevur latið russisku myndugleikunum málið. 

Tey vóru fleiri, sum sóu neyðrakettirnar í Havn í gjárkvøldið, tí løgreglan fekk rættiliga nógvar uppringingar og fráboðanir um rakettirnar, sigur vakthavandi á politistøðini í Havn í morgun.