- Tíðindi, mentan og ítróttur
Ein finala um finaluna
Tað verður helst dysturin komandi sunnudag millum Kyndil og H71, sum avgerð, hvør kemur at møta VÍF í finaluni.
Í gjárkvøldið tapti H71 á heimavølli fyri VÍF, men hoyvíkingar kunnu framvegis røkka FM-finaluni.
Treytin er tó, at H71 vinnur dystin. Í løtuni er Kyndil tvey stig frammanfyri H71, men vinna hoyvíkingar fara teir framum.
Um liðini eru jøvn í stigum verður hugt at innanhýsis uppgerðum, og har hevur H71 feiri sigrar.
Úrslit millum H71 og Kyndil
11.okt. 2014: H71 - Kyndil 19-18
19.nov.2014: Kyndil - H71 21-19
15.feb.2015: H71 - Kyndil 22-18
Stigatalvan
| 1. VÍF | 21 dystir | 34 stig |
| 2. Kyndil | 21 dystir | 29 stig |
| 3. H71 | 20 dystir | 27 stig |
| 4. KÍF | 20 dystir | 19 stig |
| 5. Neistin | 20 dystir | 18 stig |
| 6. STÍF | 21 dystir | 9 stig |
| 7. Team Klaksvík | 21 dystir | 6 stig |
Alt er ikki endaliga avgjørt eftir dystin millum Kyndil og H71, men nógv bendir tó á, at tað verður her, at avgerðin fellur.
Dysturin byrjar klokkan 16.00, og útvarpið fer at hava beinleiðis frásøgn.
