Samstarv skal steðga ólógligum fiskiskapi

Samstarvið er millum fiskivinnumyndugleikar, tollvald og skattavald í londunum, sum eru við. Londini hava bundið seg til at lata hvørt øðrum upplýsingar um millum annað pengaflytingar.

Noreg tók stigið til at fáa í lag samstarvið og fekk við sær Bretland, Týskland, Niðurlond, Írland, Danmark og Ísland, kunnger norska reiðarafelagið.

Norski fiskimálaráðharrin, Elisabeth Aspaker, sigur, at endamálið er at taka tey, sum standa fyri ólógliga fiskiskapinum og fiskasøluni, og ikki bara skipini.

Mett verður, at ólógliga veiddur fiskur verður seldur fyri okkurt um 140 milliardir krónur um árið.