FM í flogbólti beinleiðis í útvarpinum

Í kvøld kann alt blíva avgjørt í flogbóltinum.

Hjá monnunum spæla ÍF og Fleyr. ÍF vann fyrru finaluna 3-1, og vinna teir aftur í kvøld, so eru fuglfirðingar føroyameistarar.

Hjá kvinnunum liggur tað til TB. TB vann 3-2 á Drátti í fyrru finaluni, og tær kunnu tryggja sær FM við einum sigri í kvøld.

Báðir dystirnir verða sendir beinleiðis í útvarpinum. Byrjað verður aftaná tíðindini klokkan 18.00

ÍF - Fleyr 18.00

TB - Dráttur 20.30

Leivur Frederiksen sigur frá báðum dystunum. Viðmerkjari til mannsfinaluna er Kristian Mikkelsen, og Marjun Kalsø er viðmerkjari í kvinnufinaluni