Fólkaháskúlin: Skelkandi og skammiligt

Janus Rein hevur sett Bjørn Kalsø, landsstýrismanni í mentamálum, grein 52 fyrispurning um støðuna á Føroya Fólkaháskúla. 

Í viðmerkingunum vísir Janus Rein til myndir í Degi og Viku í Sjónvarpinum, har millum annað varð víst á ógvusligar lekar í tekjuni á háskúlanum. 

Tí vil Janus Rein hava at vita, hvørjar ætlanir landsstýrismaðurin hevur viðvíkjandi umvæling av Føroya Fólkaháskúla, og um landsstýrismaðurin hevur umhugsað at fara í gongd við hesa ætlan beinanvegin.