Fyrsta valsendingin í sjónvarpinum í kvøld

Alt bendir á, at Helle Thorning-Schmidt, fer at skriva út fólkatingsval fyrrapartin, og longu í kvøld verður fyrsta valsendingin upp undir fólkatingsvalið í sjónvarpinum. 

Umboð fyri allar flokkarnar, sum stilla upp til fólkatingsvalið, verða í sjónvarpsstovuni. 

Tey vera Aksel V. Johannesen fyri Javnaðarflokkin, Bárður Nielsen fyri Sambandsflokkin, Høgni Hoydal fyri Tjóðveldi, Jørgen Niclasen fyri Fólkaflokkin, Jenis av Rana fyri Miðflokkin, Hanna Jensen fyri Framsókn, Jógvan Skorheim fyri Sjálvstýrisflokkin og Zakarias Wang fyri uttanflokkalistan.

Beinta Løwe og Bogi Godtfred vera vertir.

Sjónvarpið samsendir við DR2 allan dag í sambandi við, at fólkatingsval væntandi verður útskrivað.