Borgarstjórar kunnu ikki eisini sita í løgtinginum

Eitt upprit hjá Almannamálaráðnum um ætlaðu lógarbroytingina varð lagt fram á landsstýrisfundi í gjár.

Annika Olsen sigur, at niðurstøðan var, at hon skal arbeiða víðari við uppskotinum.

Kemur eftir ólavsøku

Annika Olsen sigur, at ætlanin er framvegis at leggja uppskotið um lógarbroytingina fyri løgtingið eftir ólavsøku. 

Landsstýriskvinnan í kommunumálum heldur, at borgarstjórar hava nú so nógv at gera, at ikki ber til hjá teimum at vera í løgtinginum eisini.

Tá hon í vár frætti, hvussu nógvir borgarstjórar ætla at stilla upp til løgtingsvalið seinni í ár, avgjørdi hon at gera uppskot um broyting í kommunustýrislógini, so fólk ikki kunnu vera borgarstjóri og løgtingslimur samstundis.