Kanningarúrslitið kunngjørt í morgin

Kanningin, sum Hans Gammeltoft Hansen hevur gjørt av málinum um Skálafjarðartunnilin, verður latin løgtinginum í morgin.

Føroyski advokaturin, Jens Wang, sum hjálpir danska kanningarstjóranum, hevur áður sagt, at Hans Gammeltoft-Hansen kemur sjálvur til Føroya at handa Jógvani á Lakjuni, løgtingsformanni úrslitið tann 23. juni, sum er í morgin.

Eftir stórt rumbul um gegnið hjá Anfinni Vitalis Hansen, sum løgtingsformaðurin av fyrstan tíð valdi at kanna málið, varð í fjør vár heitt á Hans Gammeltoft-Hansen um at gera kanningina, og hann hevur havt Maiken Johansen og Jens Wang at hjálpa sær.

Løgmaður og Kári kannaðir

Tað eru Kári P. Højgaard, fyrrverandi landsstýrismaður, og Kaj Leo Holm Johannesen, løgmaður, sum hava verið kannaðir, og fyrstu avhoyringarnar í málinum vóru í Føroya rætti í juni í fjør.

Í kvøld klokkan fimm minuttir í hálvgun átta - beint eftir Dag og Viku - endursendir sjónvarpið hjá Kringvarpinum sendingina um málið, sum eitur "Skálafjarðartunnilin - kosta hvat tað kosta vil"