Siumut stuðlar sosialdemokratum - IA setur krøv

bannari
22.06.2015 - 08:07
Siumut stuðlar sosialdemokratum - IA setur krøv
Nývaldu fólkatingskvinnuni hjá IA, Aaja Chemnitz, dámar illa at stuðla einari stjórn, har Dansk folkeparti hevur stórt vald
Mynd: KNR  
 

Grønlendski flokkurin Siumut stuðlar framvegis sosialdemokratunum í fólkatinginum. IA setur Lars Løkke Rasmussen krøv.

Eins og nývaldu føroysku fólkatinglimirnir tosaðu við Lars Løkke Rasmussen, formann í flokkinum Venstre, í gjár, so ringdi hann eisini til grønlendsku fólkatingskvinnurnar og spurdi, hvat tær halda.

Sambært grønlendska kringvarpinum, KNR, hevur IA ikki lagt seg hjá reyða veinginum í fólkatinginum.

Hava ikki bundið seg

Aaja Chemnitz Larsen, fólkatingskvinna, legði krøvini hjá IA fyri Lars Løkke Rasmussen, sum roynir at skipa stjórn. Hon sigur, at enn hevur IA ikki bundið seg til samstarv við nakran flokk í fólkatinginum. Hon sigur, at IA vil sleppa at sita við samráðingarborðið, tá semjur skulu gerast um kriminalforsorg og verju.

Hon gjørdi eisini vart við, at IA dámar sera illa at stuðla einari stjórn, har Dansk folkeparti hevur stórt vald, tí sambært Aaja Chemnitz Larsen virðir Dansk folkeparti ikki sjálvstýrið hjá Grønlandi. IA fer ikki at taka avgerð um stuðul, fyrr enn stjórnin er skipað.  

Útilokar ikki samstarv

Aleqa Hammond gjørdi Lars Løkke Rasmussen greitt, at eingin ivi er um, at Siumut stuðlar, enn sum fyrr, Sosialdemokratiska flokkinum. Men tað útilokar tó ikki gott samstarv við flokkarnar, sum vunnu fólkatingsvalið.

Á heimasíðu okkara, kvf.fo, ber til at hoyra, hvat føroysku fólkatingsmenninir fingu burtur úr at tosa við Lars Løkke Rasmussen í gjár. 

Lars Løkke Rasmussen noyddist longu í gjár at ásanna, at ikki bar til at skipa meirilutastjórn saman við hinum borgaraligu flokkunum á bláa veinginum. Nú fer hann at royna at skipa ein minnilutastjórn, um hann fær loyvi til tess frá drotningini. 

 

Er kopiera
Nýggjastu sendingar í ÚV
Hósdag 24. juni
Morgunlestur hósdagur 24. juni 2021
125462
Mikudag 23. juni
Nón 23. juni 2021
125835
Mikudag 23. juni
Morgunlestur mikudagur 23. juni 2021
125807
Nýggjastu sendingar í SV
Mánadag 21. juni
3-2
125752
Leygardag 19. juni
Video: 5mf gentur, sundalagsstevna 2021
125674
Leygardag 19. juni
Video: 10mf, sundalagsstevna 2021
125671
Leygardag 19. juni
Video: 8mf, sundalagsstevna 2021
125670
Leygardag 19. juni
Video: 5mf dreingir, sundalagsstevna 2021
125669