Tyrlusáttmáli fyri slaka hálva milliard

Atlantic Airways tryggjaði sær í gjár 444 milliónir krónur úr landskassanum, 44,4 milliónir um árið í tíggju ár.

Landsstýrismaðurin í vinnumálum og landsstýrismaðurin í fiskivinnumálum gjørdu í gjár sáttmála við flogfelagið um tyrlutænastur.

Sambært landsstýrinum gevur sáttmálin landinum eina munandi betri tyrlutænastu, sum er ferðafólkaflúgving, sjúkraflutningur, leiting og bjarging.

Atlantic Airways hevur keypt tvær nýggjar tyrlur frá Agusta Westland í Italia. Tær kosta slakar 100 mió. kr. hvør.

Ætlanin er, at fyrsta tyrlan kemur um ársskifitið, og tann seinna í apríl næsta ár.