Seturskúlaferðir hjá skúlabørnum komnar í vanda

Tað merkir, at fyrsti og annar dagur skulu skrásetast við 14 tímum hvør, og hinir dagarnir við tíggju tímum hvør, tá lærarar fara á seturskúla við børnum.

Men sambært Lærarafelagnum boðaði Mentamálaráðið í vár skúlaleiðslunum frá, at skerjingar eru gjørdar í játtanini til tímar til seturskúla.

Lærarafelagið gjørdi vart í juni

Lærarafelagið sigur, at skerjingin ger, at í summum skúlum fara drúgvar siðvenjur um seturskúla fyri skeytið. Felagið gjørdi longu í juni vart, at fráboðanin, sum kom fríggjadagin, var á veg.

Fríggjadagin boðaði Lærarafelagið so frá, at tað noktar limum felagsins at fara í seturskúla, fáa lærarar ikki 14 tímar fyri tveir teir fyrstu dagarnar og tíggju tímar fyri hinar dagarnar í seturskúlanum.

Lærarafelagið sigur, at ágangurin úr Mentamálaráðnum á arbeiðstíðina hjá lærarum er stórur. Felagið tekur tí neyðug stig at verja vunnin rættindi.