Sóknast eftir útlendskum bumbumanni

Løgreglan í Tailandi hevur sent út eina eftirgjørda teldumynd, nú sóknast verður eftir bumbumanninum. 20 fólk doyðu í eini atsókn mánadagin

Løgreglan í Tailandi hevur sent út hesa myndina, nú sóknast verður eftir bumbumanninum, hildið verður stóð fyri bumbuálopinum í Bangkok mánadagin, tá 20 fólk lótu lív

Mynd: Myndugleikarnir í Tailandi

Bjarni Mohr

19.08.2015 - 14:10

Løgreglan í Tailandi hevur sent út handtøkuboð eftir einum útlendskum manni, sum løgreglan í landinum orðar seg. Sóknast verður eisini eftir tveimum øðrum fólkum.

Løgreglan send í morgun út eina eftirlýsing saman við eini eftirgjørdari mynd fyrr í morgun, har løgreglan segði seg ikki vita, hvør eftirlýsti maðurin er.

Greinin heldur fram niðanfyri

Thai police release official sketch of #BangkokBlast suspect http://t.co/VhDvKyuR1h pic.twitter.com/YZfRETyvX4
— BBC Breaking News (@BBCBreaking) August 19, 2015

- Bumbumaðurin var uttan iva ikki einsamallur um álopini, sigur ein talsmaður fyri løgregluna við tíðindastovuna AP, sambært BBC News.

Forsætisráðharrin í Thailandi, Prayuth Chan-ocha, sigur, talan er um blóðugsta álopið í søguni hjá Thailandi. 20 fólk doyðu í bumbuálopinum mánadagin.