Færri kvinnur stilla upp til valið

Tær 48 kvinnurnar eru 29,4 prosent av valevunum, og tað er væl minni enn í 2011, tá 35 prosent av valevnunum vóru kvinnur.

Kvinnurnar til løgtingsvalið hesaferð eru eisini lutfalsliga færri enn í 2008, tá 33 prosent av valevnunum vóru kvinnur.

Fara vit aftur til 2004 vóru 24 prosent av valevnunum kvinnur. Í 2004 stillaðu 115 menn og 56 kvinnur upp á løgtingsvalinum.

Nýggja Sjálvstýri fægst kvinnur á listanum

Nýggja Sjálvstýri hevur hevur fægst kvinnur á listanum. Tvær kvinnur og 15 menn. Framsókn hevur lutfalsliga flest kvinnur á listanum, átta kvinnur og níggju menn.

36.458 fólk hava valrætt 1. september, 851 fleiri enn 29.oktober í 2011, tá val var seinast Hesa ferð sleppa 670 lesandi uttanlands at velja, tey vóru 425 í 2011. 58 valstøð eru.

Størsta valstaðið er Ítróttarhøllin á Hálsi í Havn, har sum 12.464 fólk kunnu velja. Minsta valstaðið er skúlin í Mykinesi við 12 veljarum.