Nógv hava verið á vali í Havn

12.464 fólk kunnu velja í ítróttarhøllini á Hálsi í Havn. Jóan Petur Hentze, formaður í valstýrinum, sigur, at nógv bendir, at fleiri ætla sær á val enn undanfarin ár.

Á middegi hevði fjórði hvør veljari longu valt. Tá eru brævatkvøðurnar, sum eru væl fleiri enn seinast, taldar við.

Á seinasta løgtingsvali vóru 85,5 prosent á vali, men luttøkan higartil bendir á, at eini 90 prosent fara at velja.

Jóan Petur Hentze vónar, at úrslitið verður klárt klokkan ellivu í kvøld.