Ein atkvøða vantaði á Oyrarbakka

Fjórðseinasta valúrslitið týskvøldið var av Oyrarbakka.

Har var tað sum at leita eftir húki á bládýpi, - ein atkvøða manglaði, tá upptalt varð, og tí varð neyðugt at telja umaftur og umaftur, sigur Arnhold Joensen, formaður í valstýrinum á Oyrarbakka.

427 valrætt, og 364 vóru á vali. 

Atkvøðan varð ikki funnin, men fínteljing verður í Kringvarpshøllini, sum er høvuðsvalstað, leygardagin.