Løkke ynskir Akseli til lukku

bannari
16.09.2015 - 08:52
AktueltPolitikkur
Løkke ynskir Akseli til lukku
Danski forsætisráðharrin gleðir seg til samstarvið við nýggja landsstýrið
 

Danski forsætisráðharrin, Lars Løkke Rasmussen, gleðir seg til samstarvið við nýggja løgmannin og nýggja landsstýrið í Føroyum.
  
Forsætisráðharrin ynskti í gjár Akseli V. Johannesen tillukku.

Politikkurin hjá nýggju samgonguni fer at spara statskassanum milliónir, tí yvirtøkur eru í samgonguskjalinum, og heildarveitingin skal ikki hækka. 

Undanfarna samgonga gjørdi avtalu við donsku stjórnina um at prístalsviðgera heildarveitingina.

Blokkurin skal frystast

Sambært avtaluni skal blokkurin prístalsviðgerast í 2016 eisini. Tað hevði givið landskassanum millum níggju og tíggju milliónir krónur í 2016.

Men nýggja samgongan hevur avgjørt at frysta blokkin, tað er, at hann skal vera har, sum hann er nú, og ikki hækka.

Ætlanin er eisini at fáa blokkin strikaðan heilt. Nær tað skal gerast, kann samgongan kortini ikki siga. 

Í ár er blokkstuðulin 641,8 mió. kr. 

 
Nýggjastu sendingar í ÚV
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743