- Tíðindi, mentan og ítróttur
Væl nøgdur við prísin
Væl nøgdur við prísin
Í dag bleiv nýggja svimjihøllin, Páls Høll, tikin í nýstu í Vági. Dennis Holm, borgarstjóri, er sera væl nøgdur við nýggju høllina
17.10.2015 - 16:48
- Undir vanligum umstøðum átti langhylurin í Vági at kostað umleið 80-85 milliónir krónur. Men Páls Høll kostaði einans 20 milliónir krónur.
Tað sigur Dennis Holm, borgarstjóri í Vági.
Dennis Holm sigur eisini við Kringvarpið, at raksturin av høllini verður nógv bíligari enn hjá øðrum svimjihallum.
- Rakstrarútreiðslurnar av hesum hylinum hava ongan týdning í mun til støddina á húsinum, tí at vit fáa avlopshita frá Vagsverkinum hjá SEV.
Dennis Holm sigur, at altjóða svimjifeløg hava longu víst áhuga fyri at koma til Vágs at venja.
- Tað er sjálvandi takkað veri, at Pál Joensen hevur verið so góður sendimaður fyri hesa verkætlanina.
Er kopiera
Nýggjastu sendingar í ÚV
Nýggjastu sendingar í SV
