Fraklendingar fingu tvær ávaringar

Turkaland ávaraði fronsku myndugleikarnar tvær ferðir um 29-ára gamla mannin, sum saman við tveimum øðrum drap 89 fólk á konsertstaðnum Bataclan í París fríggjakvøldið.

Men Frakland bað ikki um upplýsingar um mannin, fyrr enn eftir yvirgangsatsóknirnar. Hetta skrivar bretska blaðið, The Guardian.

Greinin heldur fram niðanfyri

New div after blockquote

Paris attacks: Turkey told France twice about Bataclan bomber – live https://t.co/vYP5wxR7Gf

— The Guardian (@guardian) November 16, 2015

29 ára gamli maðurin, sum æt, Ismael Mostefai, vakti illgrunan hjá turkisku myndugleikunum, tá Frakland í oktober í fjør bað um upplýsingar um fýra aðrar menn, sum vóru undir illagruna fyri yvirgang.

Tá turkar fóru at kanna teir fýra, duttu teir um navnið hjá Ismael Mostefai, og teir boðaðu fronsku myndugleikunum frá, fyrst í desember 2014 og aftur í juni í ár.

SÍ EISINI Tøgn í ein minutt: Her minnast fransmenn tey deyðu

- Men vit frættu einki aftur úr Fraklandi, sigur ein turkiskur embætismaður við bretska blaðið, The Guardian.

Ikki fyrr enn eftir yvirgangsatsóknirnar fríggjakvøldið fingu turkisku myndugleikarnir fyrispurning úr Fraklandi um Ismael Mostefai.

29-ára gamli sjálvmorðsbumbumaðurin varð føddur í Fraklandi og var uppvaksin 25 kilometrar uttan fyri París.