Bjóða vindorku í Suðuroy út komandi ár

Tað sigur Sev í ársfrágreiðingini, sum varð løgd fram á fundinum í gjár. 

Sev arbeiðir í løtuni við at reisa vindmátimastrina í Suðuroy. Sambært Jákup Suna Lauritsen skal hendan gera mátingar í vetur, sum koma at liggja til grund fyri, hvussu best og mest fæst burturúr vindinum.  

Men tað er ikki Sev, men Jarðfeingi, sum ger av, hvør sleppur at byggja vindmyllur í Suðuroy.  
Avtala er gjørd millum Jarðfeingi og SEV, at í fyrsta umfari rindar SEV fyri kanningarnar, ið gerast skulu, og verður tað soleiðis, at tann sum vinnur útboðið, endurrindar SEV kostnaðirnar, samstundis sum hesir verða roknaðir inn í boðið.