Krabbameinselvandi evni í e-sigarettum

Krabbameinselvandi evni í e-sigarettum
Í nýggjari kanning hava granskarar kannað innihaldið í 51 av størstu merkjunum innan e-sigarettir
E-sigarettir kunnu innihalda krabbameinslvandi evni, sambært nýggjari gransking
 
13.12.2015 - 16:27

E-sigarettir kunnu innihalda krabbameinsevlandi evni. Í nýggjari kanning hava granskarar kannað innihaldið í 51 av størstu merkjunum innan e-sigarettir.

Granskararnir gjørdust varugir við, at í 75 prosentum av e-sigarett-vætunum var evnið diacetyl. Tað er smakkievni, sum hevur samband við lungnasjúkuna bronchiolitis obliterans, eisini rópt popp-korn-lungu. Tað skrivar blaðið hjá amerikanska Harvard University, sum eitur Harvard Gazette.

- Av tí at størsta stúranin um e-sigarettir hevur snúð seg um nikotin, er framvegis nógv, sum vit ikki vita um e-sigarettir, siga granskararnir.

Hava fyrr víst á vandan

- Umframt at vanaelvandi evnið, nikotin, er í ymiskum nøgdum, kunnu e-sigarettirnar eisini innihalda krabbameinselvandi evnafrøðilig evni, eitt nú formaldehyd, sum okkara kanning vísir, kunnu smakkievnafrøðilig evni, elva til lungnaskaða, sigur David Christiani, professari, sambært Harvard Gazette.

Diacetyl er góðkent sum smakkievni í matvørum í ES, men gransking hevur fyrr víst, at evnið kann hava samband við lungnasjúkur, tá vit anda tað í okkum. 

Navnið popp-korn-lungu er íkomið, tá arbeiðsfólk á verksmiðjum, sum framleiða popp-korn, andaðu smakkievnið diacetyl í seg, og vístu seg at fáa lungnasjúkuna av diacetyl-dampi.

E-sigarettir kortini minni vandamiklar

Fleiri aðrar kanningar hava víst á smakkievni í e-sigarettum, sum kunnu elva til krabbamein ella skaða heilsuna.

Granskarar kjakast tí um, um tað er rætt at viðmæla fólki at leggja av at roykja og heldur brúka e-sigarettir.

- Sambært meting hjá serfrøðingum, sum bretsku heilsumyndugleikarnir hava biðið um, er tað tó minni vandamikið at anda damp frá e-sigarettum í seg enn at roykja.

Er kopiera
Nýggjastu sendingar í ÚV
Nýggjastu sendingar í SV
Hósdag 27. februar
Hvíta gullið
188389
Hósdag 27. februar
DOKO1423 - teknmálstulkað
188375
Hósdag 27. februar
Morgunkórið
188372
Mikudag 26. februar
Ein søga um 45 ár
188344