Endurskoða nú markið fyri lúsum

Endurskoða nú markið fyri lúsum
Markið fyri, hvussu nógvar lýs kunnu vera á hvørjum laksi, skal endurskoðast á fundi í Vinnumálaráðnum seinnapartin
Myndugleikarnir fara á fundi seinnapartin at leggja fram uppskot um leiðreglur at brúka eftir galdandi kunngerð og uppskot um broytingar í kunngerðini um laksalús, sum er frá 2009
 
15.02.2016 - 13:23

Seinnapartin í dag verður fundur í Vinnumálaráðnum um kunngerðina um laksalús. Vinnumálaráðið hevur biðið um fundin.

Á fundinum fara Landsdjóralæknin og Heilsufrøðiliga starvsstovan at leggja fram uppskot um leiðreglur at brúka eftir galdandi kunngerð og uppskot um broytingar í kunngerðini um laksalús, sum er frá 2009.

Markið skal lækkast

Poul Michelsen, sum er landsstýrismaður í alimálum, segði við Útvarpið fyri trimum vikum síðani, at hann fer at herða krøvini til alivinnuna fyri at fáa laksalúsina niður.

Millum verður markið lækkað fyri, hvussu nógvar lýs kunnu vera á hvørjum laksi. Poul Michelsen hevur eisini biðið alarar koma á fund í Vinnumálaráðnum um laksalúsina.

Poul Michelsen sigur, at hann er sinnaður at hjálpa við neyðugari lóggávu, um partarnir halda, at lógarbroytingar skulu til fyri at loysa trupulleikan. Kanningar vísa, at føroyskur laksur gerst alt meira fongdur við lús.

Talið tvífaldað eftir einum ári

Í desember í fjør kom talið á kynsbúnum laksalús upp á 38 milliónir. Hetta er tvær ferðir so nógv sum árið fyri, og fýra ferðir so nógv sum fyri trimum árum síðan.

Mikudagin og hósdagin í síðstu viku vóru fólk frá norska matvørueftirlitinum í Føroyum fyri at tosa við Landsdjóralæknan og Heilsufrøðiligu starvsstovuna um laksalús.

Birna Mørkøre, landsdjóralækni, sigur, at tey kunnaðu hvørt annað um støðuna í Føroyum og í Noregi.

Er kopiera
Nýggjastu sendingar í ÚV
Leygardag 24. mai
Upp á tá - 230525
192325
Leygardag 24. mai
Vikan 24. mai 2025
192323
Leygardag 24. mai
Morgunlestur leygardagur 24.mai 2025
192150
Fríggjadag 23. mai
Vikuskiftið 23 mei 2025
192308
Nýggjastu sendingar í SV
Leygardag 24. mai
Grønir fingrar (1:3) - teknmálstulkað
192322
Leygardag 24. mai
Útilív 6:6 - teknmálstulkað
192321
Leygardag 24. mai
Dagur og vika - teknmálstulkað
192319
Fríggjadag 23. mai
Veðrið
192307
Fríggjadag 23. mai
Dagur og vika - teknmálstulkað
192266