Tikin fyri rúsdrekkakoyring

Trý fólk vóru í nátt tikin fyri rúsdrekkakoyring. 

Um fimm tíðina í morgun, var ein kvinna tikin í Havn, og lítla løtu seinnu var ein onnur kvinna steðga, og tær verða báðar skuldsettar fyri rúsdrekka koyring.

Tað verður ein maður í Klaksvík eisini, løgreglan steðgaði honum umsjey tíðina í morgun.

Annars var friðarligt í býnum í Havn, hóast nógv fólk var í býnum. Løgreglan koyrdi onkran fullan heim, og onkrastaðni høvdu fólk hug at fara til hendurs, men løgreglan fekk steðgað tí, áðrenn tað kom so langt.