Eingin umkoyringarvegur fyribils

Eingin umkoyringarvegur fyribils
Kollfirðingar fáa ongan nýggjan umkoyringarveg oman fyri bygdina frá rundkoyringini inn í Firði, sum annars hevur verið ætlanin
 
07.04.2016 - 09:54

Hetta kom fram, tá munnligir fyrispurningar vóru í Løgtinginum í gjár. Jørgen Niclasen í Fólkaflokkinum spurdi Henrik Old, landsstýrismann í samferðslumálum, um ætlanina inni á Firði.

Undanfarna samgonga hevði sett pengar av í langtíðar játtanarkørmunum – ein verkætlan, sum Landsverk hevði mett, fór at kosta einar 40 milliónir krónur tilsamans.

Vegur til Selatraðar hægri raðfesting

Men stórar broytingar á vegakervi í Kollafirði mugu bíða til eftir at Eysturoyartunnilin er liðugur, segði Henrik Old í tinginum í gjár.

Hinvegin kunnu fólk á Selatrað gleða seg til, at vegurin til Selatraðar fær hægri raðfesting, tí stendur tað til landsstýrismannin í samferðslumálum, so verður vegurin bæði breiðkaður og asfalteraður.

Eitt nú nevndi Henrik Old møguleikan at brúka eitt slag av bíligari, men ikki so slitsterkum asfalti til leiðina, har tað ikki er so nógv ferðsla.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486