Ikki neyðugt at ognartaka

Partafelagið hevur keypt lendi oman fyri Hvítanes og á Strondum. Eystan fyri Skálafjørðin er talan um landsjørð fyri tað mesta.

Felagið upplýsir ikki, hvussu nógv er latið fyri fermeturin. Talan er millum tíggju og tjúgu eigarar í hvørjari oynni, sigur Teitur Samuelsen, stjóri í partafelagnum.

Lendi er eisini leigað til at seta arbeiðsskúrar á. Tá arbeiðið er liðugt, verður tað lendið latið aftur í tí standi, tað var, tá felagið leigaði tað, sigur Teitur Samuelsen.

Eysturoyar- og Sandoyartunnilin er alment partafelag, men felagið er undantikið lógini um alment innlit.