Minstalønin hækkar 50 kr. um dagin

Minstalønin hækkar 50 krónur um dagin frá 1.juni til nýggjárs. Hon hækkar upp í 1050 kr.

Mánaðarligi minstiforvinningurin hjá útróðrarmonnum hækkar eisini 1.juni. Hann hækkar 500 kr. upp í 18.500 kr. 

Nýggja kunngerðin um inntøkutrygd er nú send til hoyringar.  

Hon krevur, at fiskimenn skulu ikki bara búgva í Føroyum, men eisini vera skrásettir í Landsfólkayvirlitinum fyri at fáa minstuløn.

Ein onnur broyting er, at nú er loyvdi bornfrádrátturin av bruttoavreiðingarvirðinum 3.000 kr. fyri línu og 1500 kr. fyri bátar, sum royna við øðrum reiðskapi.

Botnfrádrátturin hevur verið 2.000 kr. fyri allan reiðskap.