Fáa flogfelag at hjálpa til við flúgvingini

Seinkingar og avlýsingar darva framvegis flúgvingina hjá Atlantic Airways, nú tvey av teimum trimum flogførunum hjá felagnum standa still og ikki kunnu flúgva.

Atlantic Airways hevur tí gjørt avtalu við bretska flogfelagið Titan Airways um at hjálpa til við flúgvingini, sigur Rasmus Niclasen, ferðslusamskipari, við útvarpið.

- Tað er frá hósdegnum, at vit fáa trupulleikar. Vit eru í samráðingum við Titan Airways, sum eisini skal hjálpa okkum um vikuskiftið, sigur Rasmus Niclasen.

Atlantic Airways vónar, at bæði flogførini hjá felagnum, sum eru tikin úr flúgving í løtuni, eru aftur fyrst í næstu viku, og at flogferðslan tá kann halda fram sum vanligt.