Keypt egin partabrøv fyri hálva millión

Miðalkursurin hesar dagarnar frá 30. mai til 2. juni var 115,22. Leiðslan í BankNordik avgjørdi at brúka heimildina, sum hon fekk á aðalfundinum tann 30. mars, at keypa partabrøv í bankanum.

Keypt verður fyri 33 mió. kr. frá 30. mai til 30. desember í ár. Endamálið við at keypa egin partabrøv er at laga kapitalgrundarlagið hjá bankanum til, soleiðis at tað betur speglar kapitalmál bankans.

BankNordik bað norska íløgubankan ABG Sundal Collier standa fyri keypinum. Tað er vanligt, at fyritøkur, sum eru skrásettar, keypa egin partabrøv.