Kommunurnar sera ymiska nettoskuld

Runavík og Fugloy er ávikavist ovast og niðast á listanum, tá ræður um nettoskuld upp á fólkið hjá kommununum

Sambært listanum, sum Fíggjarmálaráðið kunngjørdi í gjár, skyldar Runavíkar kommuna 33.000 krónur netto fyri fólkið.

Stendur væl til í Fugloynni

Men í Fugloynni er fíggjarliga støðan so góð, at kommunan eigur 164.000 krónur eftir upp á fólkið, tá skuld og ogn eru mótroknaðar.

Húsavík er tó niðast á listanum, men har eru kortini eingi tøl um skuld og ogn. Seks aðrar kommunur eru í somu støðu sum Fugloy.

Tær eru Skúvoy, Húsar, Kunoy, Tórshavn, Eiði og Hvannasund. Hjá teimum stendur eisini eitt minus framman fyri nettoskuldina.