36 uppskot komu inn

36 uppskot komu inn at prýða nýggja H-bygningin á Landssjúkrahúsinum. Freistin at lata uppskot inn var úti 13. september og tær báðar næstu vikurnar verður støða tikin til uppskotini.

Nýggi bygningurin á Landssjúkrahúsinum verður umleið 12.400 fermetrar í seks hæddum, og fýra skulu prýðast við list.

Umsøkjararnir fingu at vita, at aðalmálið við listini er at "stuðla upp undir leking" soleiðis at ein vitjan á sjúkrahúsinum skal vera ein nærverandi, trygg og jalig uppliving í serflokki. Uppskotini kundu fevna vítt, soleiðis at tey kundu koma við uppskotum um list, listahandverk og brúkslist.