Líkskoðan: Birna varð dripin

Nú er staðfest við fullari vissu, at 20 ára gamla Birna Brjánsdóttir er dripin.

Men hvussu tað er gjørt, kann politiið í Íslandi ikki siga við vissu fyrr enn í næstu viku.

Líkið av Birnu varð funnið í fjøruni við Selvogsvita sunnudagin. Hon hevði tá verið horvin í eina góða viku.

Grím­ur Gríms­son, kanningarstjóri, sigur við íslendskar miðlar, at ikki ber til at siga, um Birna er dripin við vilja ella av gáloysni.

Líkskoðanin staðfesti, at unga kvinnan er dripin. 

Annar maðurin, sum er skuldsettur í málinum, varð avhoyrdur í gjár. Hann noktar seg sekan.

Hin maðurin verður avhoyrdur í dag.