Byrja nú at bora

Fyrsta skotið í Eysturoyartunlinum verður latið av við tunnilsmunnan á Strondum og nú byrjar arbeiðið av álvara uppá at knýta Skálafjørðin við Havnina.

Tunnilin verður til samans góðar 11 kilometrar. Byggitíðin verður mett at verða trý til fýra ár. Tí skal tunnilin eftir ætlan verða liðugur í 2019-20.

Næstur í røðini verður so Sandoyartunnilin. Arbeiðið uppá tunnilin til Sandoynna skal eftir ætlan byrja í 2018 og tunnilin skal standa liðugur í 2023.