Nevndin loksins fullmannað

Endiliga er nevndin í Landsbankanum fullmannað. Tummas Eliasen, kommunustjóri í Klaksvík, umboðar Kommunufelagið.

Fíggjarmálaráðið hevur eisini góðkent, at Jógvan Kruse, fíggjar- og fyrisitingarleiðari í Sunda kommunu, er tiltakslimur hjá Tummasi Eliasen.

Tvey varafólk eru eisini funnin fyri upprunaligu varafólkini hjá Fíggjarmálaráðnum. Tey tóku við beinanvegin, tí báðir nevndarlimirnir hjá Figgjarmálaráðnum sluppu ikki at vera har fyri útlendsku arbeiðsgevarum sínum.

SI EISINI Vil hava nýtt tilmæli

Fyri tey komu Matthea Hilduberg og Edward Heen í nevndina. Varafólk hjá teimum eru Hans Ellefsen og Eyðfríð Juanna Schrøter Joensen.

Hini í nevndini hjá Landsbankanum eru Zvonko Mrdalo, Elisabeth Eldevig, Kristoffur Laksá og Jan Otto Holm.

Nevndin hevur fund í næstu viku. Tá fer endiliga at bera til hjá nevndini at skipa seg. Nevndin skal eisini søkja eftir stjóra til Landsbankan.