Fingið loyvi at røkja bæði størvini

Sambært kommunustýrislógini skal kommunustýrið geva loyvi til at víkja frá regluni um, at borgarstjóri, sum er borgarstjóri fulla tíð, ikki hevur onnur størv.

Í býráðnum á Tvøroyri vóru fýra fyri, at borgarstjórin eisini er løgtingsmaður, tveir býráðslimir atkvøddu ikki og ein atkvøddi imóti.

Tríggir borgarstjórar eru í Løgtinginum, Kristin Michelsen á Tvøroyri, Jógvan Skorheim í Klaksvík og Pauli Trond Petersen í Vestmanna.

Annika Olsen í Tórshavnar kommunu hevur sjálv avgjørt at fara úr Løgtinginum, meðan hon er borgarstjóri.