Nevndin í Eik roynir semju við Jørn Astup Hansen

Nevndin í Eik roynir semju við Jørn Astup Hansen
Nevndin er samd um at royna at fáa semju við Astrup Hansen, so stevningin móti honum kann takast aftur. Tað sigur Torben Nielsen, nevndarformaður
 
23.02.2017 - 07:40

Við útvarpið sigur Torben Nielsen, at roynt verður at fáa skilagóða loysn. Hon krevur, at Jørn Astrup Hansen tekur aftur tað, sum bankin kallar bakbit og ærumeiðing, og sum Eik hevur stevnt Jørn Astrup Hansen fyri.

Torben Nielsen, sum ikki vil gera samrøðu við Útvarpið, sigur, at nevndin í Eik banka er samd um at royna hesa loysnina. Hann sigur, at Eik banki heldur ikki, at skuldsetingarnar hjá Jørn Astrup Hansen eru rættar.

"Fupp eller Fakta"

Tað var seint í september í fjør, at Eik stevndi Jørn Astrup Hansen fyri bakbit og ærumeiðing. Jørn Astrup Hansen, sum hevur verið stjóri og nevndarlimur í Eik banka, skrivaði 16.apríl í fjør grein í Sosialinum undir yvirskriftini "Eik Fup eller Fakta". Har sigur hann, at Taks fekk skeivar og villleiðandi upplýsingar frá Eik.

- Tað er ilt at halda, at TF-Holding og nevndarformaðurin í Eik banka hava verið í góðari trúgv, tá leiðslan í Eik og TF- Holding, sum eigur Eik, royndu at lensa landskassan fyri 90 milliónir krónur, sum bankin ongan rætt hevði til, skrivaði Jørn Astrup Hansen.

Hetta vildu tey í Eik ikki hava sitandi á sær og stevndu.

Skilagóð loysn

Málið skal viðgerast í býarrættinum í Keypmannahavn, tað er, um stevningin ikki verður tikin aftur. Tað verður hon, um Jørn Astrup Hansen tekur orðini aftur, avsannar síni egnu orð.

Sambært Torben Nielsen verður arbeitt við hesari loysnini, einari skilagóðari loysn, sum hann sigur. Eik banki kann ikki liva við slíkum skuldsetinguum sum teimum hjá Jørn Astrup Hansen.

Torben Nielsen sigur, at hann hevur hitt Jørn Astrup Hansen og tosað við um eina loysn. Meira enn tað fæst hann ikki at siga.

FAKTA:

Jørn Astrup Hansen varð stevndur 23.september í fjør.

28.oktober svaraði advokaturin hjá honum, og týsdagin, 28.februar, skal Eik banki svara hesum.

Síðani hava Jørn Astrup Hansen og advokatur hansara freist til 28.apríl at svara aftur. Hetta kallast ávikavist replik og duplik á rættarmálinum.

Eftir 28.apríl fer rætturin í Keypmannahavn at dagfesta viðgerðina í rættarsalinum, og tá kemur málið eisini á rættarlistan.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652