Íslendska flutningsfelagið, Samskip, ger mismun

Fakfelagið leggur Samskip undir at løna lastbilførarum, sum eru úr Eysturevropa eftir lønarsatsum í heimlandi teirra.

Hollendska sjónvarpstíðindasendingin, EenVandaag, sum fer í dýpdina við ymiskum evnum, viðgjørdi lønarspurningin hesa vikuna.

Í sendingini er samrøða við rumenskan lastbilførarar, sum fær 309 evruru um mánaðin í grundløn, - sum svarar til 2.300 krónur. Lastbilførarar siga, at teir sova í bilinum um næturnar og hita matin hjá sær á berbarum komfýrum inni í bingjum hjá Samskip, meðan teir bíða eftir ordrum.

Lógarbrot

Esin Aktema, sum var við í sendingini, og sum umboðar fakfelagið, FNV, sigur, at viðferðin, sum lastbilførarnir fáa, eru sosial og fíggjarlig brotsverk.

Talsmaðurin fyri FNV sigur, at talan er um hundraðtals lastbilførarar.

Kanna málið

Samskip segði í fráboðan í gjár, at tað, sum er komið fram í sendingini, verður tikið í størsta álvara, og at ætlanin er at kanna málið til botns, skrivar íslendska kringvparið, RÚV.

Stjórin í Samskipum, Palmar Óli Matthiasson, tvíheldur um, at Samskip leggur dent á góðar arbeiðsumstøðum, og er ovfarin av fjølmiðlasøguni.

Hollendski umhvørvis- og flutningsstovnurin, ILENT, gav í fjør Samskipi bót fyri at brot á flutning av góðsi. Tað málið snúði seg um, hvussu leingi lastbilførarar kunnu koyra út í eitt, - og reglurnar um hvílitíð vóru ikki hildnar, og nakrir lastbilførarar arbeiddu uttan sáttmála, skrivar Rúv.