Helvtin av monnum við depressión fær onga viðgerð

Í nógv ár hevur verið hildið, at dupult so nógvar kvinnur sum menn fingu depressión ella tunglyndi. Soleiðis sóu tølini í Danmark út, tá talan var um innleggingar.

Men kanningar seinastu árini gera greitt, at munurin millum kvinnur og menn ikki er so stórur, sigur Svend Aage Madsen, ið er leiðandi psykologur á Ríkissjúkrahúsinum í Keypmannahavn.

Svend Aage Madsen sigur, at í Danmark eru 60.000 menn, ið hava depressión, men bert helvtin fær nakra viðgerð. Úrslitið er, at menn - nógv oftari enn kvinnur - taka lívið av sær.

Føroyar sambornar við Danmark

Samanborið við fólkatalið í Danmark merkir tað, at í Føroyum eru 300 menn, sum ongantíð verða viðgjørdir fyri depressión, hóast teir áttu.

Menn hava ilt við at fara til lækna við sínum fysisku trupulleikum og hvana verri er tað, tá talan er um teir psykisku, sigur Svend Aage Madsen við Ritzau tíðindastovuna.

Menn duga illa at tosa um sína støðu, og ofta enda teir við at viðgera seg sjálvar við alkoholi og øðrum rúsevnum, verður sagt.