Útlendingur við flogskíggja kann vænta sær bót

Maðurin fleyg í gjár uttast á Sørvágsfirði, sum liggur í innflúgvingini til Vága Floghavn, skrivar heimasíðan jn.fo.

Boð vórðu send eftir løgregluni, sum fekk tyrluna hjá Atlantsflog til hjálpar. Løgreglan fór so við tyrluni út á Múlan, sum liggur á sunnara armi á Sørvágsfirði, har tey fingu fatur í manninum, sum er útlendingur, skrivar heimasíðan jn.fo. Vakthavandi á politistøðini vil ikki upplýsa, hvør landsmaður maðurin er. Hann er skuldsettur fyri brot á loftferðslutrygdina.

Ákæruvaldið fer væntandi í morgin at áseta eina bót fyri brotið. Tað er ikki loyvt at flúgva nærri enn 8 kilometrar frá flogvøllinum uttan at fáa loyvi til tað, skrivar jn.fo