Bussleiðin í Sunda kommunu nógv brúkt

Ókeypis bussleiðin í Sunda kommunu verður nógv brúkt. Tað skrivar Sunda kommuna á heimasíðuni.

Bussleiðin hevur koyrt síðani á nýggjárinum, og tøl hjá kommununi vísa, at higartil hava slakir 2.000 brúkarar nýtt bussleiðina. Hetta svarar til áleið slakar 500 brúkarar um mánaðin.

Tað var í fjør, at býráðið samtykti at seta á stovn ókeypis bussleið millum bygdirnar.

2017 er royndarár og til viðgerðina av fíggjarætlanini fyri 2018 skal býráðið taka støðu til, um tilboðið skal halda fram, stendur á heimasíðuni hjá Sunda Kommunu.