Alsamt færri lesa barnablaðið

Haldaratølini á blaðnum, sum helst øll kenna, barnablaðið Strok, eru lækkað trý ár á rað

Talið á fólki, sum halda barnablaðið, Strok, minkar alsamt. Tað er serliga í størru skúlunum, haldaratalið minkar

09.05.2017 - 16:41

Í skúlaárinum 2011-12 vóru góðir 2400 haldarar - og tvey ár seinni vóru 2500 haldarar. Men árið eftir lækkaði haldaratalið hjá Strok við 500 haldarum.

Síðani hevur tað verið tógvið stríð at hava tað omanfyri 1700. Tað er serliga í størru skúlunum, at haldaratalið lækkar, men fleiri av teimum smærru skúlunum hava lutfalsliga nógv fleiri haldarar.

Blaðið kom fyrstu ferð út á jólum 1928, og barnablaðið er komið út síðani, Tó varð ein steðgur 1931 til 1959, og blaðið er komið út síðani tá.

Strok hevur gjøgnum tíðina skift skap, form og navn, men innihaldið hevur altíð verið hitt sama. Lesnaður til børn/ung á føroyskum, sum tey halda er spennandi.