Landsbókasavnið fær nýggjan stjóra

Rigmor Dam, landsstýriskvinna í mentamálum, hevur gjørt av at seta Anniku Smith í starvið sum stjóri á Føroya Landsbókasavni frá 1. august 2017, boðar Mentamálaráðið frá.

Annika Smith er 53 ára gomul og er útbúgvin bókavørður frá Danmarks Biblioteksskole í 1996 og cand.scient.bibl. frá Københavns Universitet í 2016.

Annika Smith hevur starvast á Býarbókasavninum og síðani á Landsbókasavninum. Síðstu fimm árini hevur hon verið 1. bókavørður á Landsbókasavninum.