Norðhavið selt til Vágs

Ocean Group Faroes í Vági hevur keypt Norðhavið úr Kollafirði at fiska burtur av felags svartkjaftakvotuni.

Skipið er keypt fyri 40,5 mió.kr.

Northwest Pelagic í Kollafirði átti Norðhavið, sum fyrr kallaðist Atlantsfarið, tá skipið var skrásett í Miðvági.

Northwest Pelagic í Kollafirði fekk ikki veiðiloyvi, tí eigaraviðurskiftini vóru ikki í lagi, sambært Fiskimálaráðnum.

Fiskimálaráðið sigur, at føroyingar høvdu ikki ræðið á skipinum. - Northwest Pelagic leyk ikki treytirnar í lógini um vinnuligan fiskiskap um útlendskan kapital og føroyskan ræðisrætt.

Ocean Group Faroes hevði veiðiloyvi, sum nú er flutt til Norðhavið.