Remøy latin leysur

Norski rækjutrolarin Remøy og teir átta menninir, sum vóru eftir í Murmansk, eru nú á veg heim til Noregs.

Kósin er sett móti Tromsø, hagar skipið kemur í morgin.

Tað skrivar reiðarafelagið, Fiskebåt.

Remøy lá í Murmansk í tríggjar vikur. Russiska vaktartænastan tók 10.mai skipið fyri ólógligan fiskiskap.

Høvdu ikki loyvi

Skipið fiskaði rækju í russiskum sjógvi. Hóast skipið hevði loyvi til tess, stóð tað ikki í loyvinum. 

Norska fiskimálaráðið hevði gloymt at sett kross ella flugubein í loyvið hjá Remøy. 

24.mai fingu níggju menn loyvi til at fara til Noregs. 

Tveir føroyingar vóru við Remøy.

Russisku myndugleikarnir eru ikki lidnir at viðgera málið hjá Remøy