Umstøðurnar á strandfaraskipum ikki góðar

Umstøðurnar hjá ferðafólki og manning eru sjáldan tíðarhóskandi á skipum, sum eru farin upp um 25 ár.

Miðalaldurin hjá skipunum hjá Strandfaraskipum landsins er 30 ár. 

Felagið Knud E. Hansen í Danmark hevur gjørt eina frágreiðing til Strandfaraskip landins um støðuna hjá skipunum.

Skipini hava fingið próvtøl. 25 er hægsta talið. Smyril hevur 24 og Teistin 20.

Síðani er støðan ikki so góð, Ternan hevur 15 stig, Sam og Ritan hava 10 stig, og Sildberin fær bara sjey stig. 

Skoytt verður tó uppí, at truplu umstøðurnar við lendingarnar í Svínoynni, Fugloynni og Skúgvoynni hava stóra ávirkan á tølini hjá Rituni og hjá Sildberanum.