Mangla enn fleiri kommunulæknar

Tað mangla framvegis fleiri kommunulæknar í Føroyum. Heilsutrygd lýsir nú eftir 10 kommunulæknum, sum skulu setast í starv frá 1. september.

Talan er um tvey kommunulæknastørv í Norðoya læknadømi og tvey í Skálafjarðar læknadømi. Og so er eitt kommunulæknastarv leyst í hesum læknadømum: Fuglafirði, Vestmanna, Sandoy, Vágum, Suðuroy og Suðurstreymi.

Í lýsingini stendur, at tey, sum verða sett í starv, skulu vera sinnað til at samstarva við hini starvsfólkini í læknadøminum og í heilsuverkinum sum heild. Tey skulu eisini vera við í nýskipanum innan økið.